Eikaasgalleriet

Målaren, grafikaren, teiknaren og skulptøren Ludvig Eikaas frå Jølster er ein av den norske etterkrigstidas mest markante biletkunstnarar. Han var ein av pionerane innanfor non-figurativ kunst, i lag med Gunnar S. Gundersen, Odd Tandberg, Tor Hoff, Inger Sitter, Jakob Weidemann og Knut Rumohr, på slutten av 1940-talet.

Samlinga i Eikaasgalleriet vart donert til Jølster kommune av Ludvig Eikaas. Den omfattar no over 850 verk av kunstnaren i ulike teknikkar; grafikk, maleri, skulptur, trykkplater, collage, readymade mm. Galleriet ligg på Ålhus langs E39, ved Jølstravatnet, med eiga badestrand og tilgjenge for rullestolbrukarar.